Frantsııa Prezıdenti men mınıstrleri óz jalaqylarynyń úshten birin qysqartty
ASTANA. 18 mamyr. QazAqparat - Frantsııa Prezıdenti Fransýa Olland pen onyń mınıstrleri óz jalaqylarynyń úshten bir bóligin qysqartty.
Mundaı sheshimdi jańa Úkimet birinshi otyrys barysynda qabyldady, dep habarlaıdy RBK.
Jalaqynyń jańa normalary ýaqyt kúttirmeı engiziledi, dep habarlady Áıelder isteri jónindegi mınıstr jáne Úkimettiń baspasóz qyzmetiniń hatshysy Nadjat Vallo-Belkasem. Alaıda, mundaı qadamdy zańdy maquldaý úshin arnaıy zań qajet.
Endi F.Ollandtyń jalaqysy aıyna 15 myń eýrony quraıtyn bolady. Mınıstrler aıyna 9 940 eýro almaq. Buǵan deıin bul soma 14 200 eýrony quraǵan. Premer-mınıstr Jan-Mark Eıronyń jalaqysy 14 910 eýrony quraıtyn bolady.
Salystyrý úshin aıta kereıik, Germanııa kantsleriniń jalaqysy 16 mamyr kúni 5,7 paıyzǵa, nemese 930 eýroǵa ósirildi. Buǵan deıin Angela Merkeldiń bazalyq jalaqysy aıyna 16 myń eýrony quraǵan bolatyn.
