Frantsııa Prezıdenti kúzetin tuńǵysh ret áıel adam basqarmaqshy
ASTANA. 3 maýsym. QazAqparat - Frantsııa Prezıdenti Fransýa Ollandtyń qaýipsizdigin qamtamasyz etý jasaǵynyń basshysy qyzmetine tuńǵysh ret áıel adam taǵaıyndalyp otyr. Bul qyzmetke 44 jastaǵy qaýipsizdik mamany Sofı Att keldi, dep habarlaıdy Lenta.ru Gala.fr-ge silteme jasap.
Basylym málimetterine sáıkes, Attnyń kandıdatýrasyna Ollandqa onyń partııalasy, Frantsııanyń burynǵy premer-mınıstri Lıonel Jospen keńes beripti. Kezinde Jospen úkimetti basqarǵan sátinde Sofı onyń qaýipsizdigine jaýap bergen eken.
Budan bólek, Associated Press habarlaǵandaı, Ollandtyń saılaýaldy naýqanynda bergen memlekettik shyǵyndar kólemin aıtarlyqtaı qysqartý týraly ýádesine sáıkes, jasaqtyń qyzmetkerler sany azaıǵan. Eger búginge deıin onyń quramynda 93 adam bolsa, qazir solardyń sany 60-qa deıin qysqartyldy, dep jazdy BNews.kz.
