Frantsııa prezıdenti F.Ollandtyń reıtıngi 21 paıyzǵa ósken
ASTANA. QazAqparat - Frantsııa Prezıdenti Fransýa Ollandtyń áreketterin maquldaý reıtıngi Parıjdegi qańtar aıyndaǵy ıslamshylardyń shabýyldarynan keıin kúrt ósip ketti. Muny Frantsııadaǵy qoǵamdyq pikirdi zertteý ınstıtýtynyń málimetteri dáleldeıdi.
Uıym Olland reıtıngisiniń 21%-ǵa deıin óskenin, ıaǵnı 40%-dy quraǵanyn tirkedi.
Bı-bı-sı-diń Parıjdegi tilshisi Hıý Skoýfıldtiń atap ótýinshe, Frantsııanyń úreılengen qoǵamy Ollandtyń Parıjde Birlik marshyn uıymdastyrýdaǵy róli men onyń qaza tapqan úsh polıtseımen qoshtasý rásimindegi sózderin oń qabyldady.
Aıta keteıik, buǵan deıin frantsýz prezıdentiniń reıtıngi eldegi jumyssyzdyqtyń rekordtyq deńgeıge jetýi men ekonomıkalyq ósimniń álsizdigi saldarynan eń tómen deńgeıge túsip ketken bolatyn.
