Frantsııa prezıdenti E.Makron COVID-19 órshýine baılanysty úndeý jasaıdy
Ótken aptada Frantsııa úkimetiniń ókili Gabrıel Attal prezıdent E. Makronnyń úndeýi COVID-19 ınfektsııasynyń órshýine, sondaı-aq keıbir ekonomıkalyq reformalarǵa arnalatynyn málimdedi.
Sonymen qatar, Frantsııada, Eýroodaqtyń basqa elderindegi sııaqty, koronavırýs ınfektsııasynyń qarqyny sońǵy aıda aıtarlyqtaı ósti.
«COVID-19 indeti Eýropada taǵy da tez damyp keledi, kontınent taǵy da pandemııanyń oshaǵyna aınaldy», - dedi G. Attal.
Ótken aptada Frantsııada ınfektsııa juqtyrýshylardyń ortasha sany 6200-den asty, bul kórsetkish bıyl qazan aıynyń basynda 4200-den az bolǵan edi.
«Qaıta vaktsınalaý máselesi seısenbi kúni tańerteń Qorǵanys keńesiniń otyrysynda talqylanady. Keıin respýblıka prezıdenti qorytyndy shyǵarady», - dedi depýtat Sılven Maııar.
Úkimet ókili G. Attal E.Makronnyń el ekonomıkasyn qalpyna keltirý, úkimettik reformalar baǵdarlamasy jáne basqa da máseleler týraly aıtatynyn málimdedi. Prezıdenttiń úndeýi jergilikti telearnalarda seısenbi kúni saǵat 20-da bastalady.
Arnur Rahymbekov