Frantsııa premeri: EO endi bosqyndardy qabyldamaıdy
ASTANA. QazAqparat - Frantsııa premer-mınıstri Manýel Vals Eýropa Taıaý Shyǵystan endi bosqyndardy qabyldamaıtynyn, óz shekarasynyń qaýipsizdigin nyǵaıtýy tıis ekenin málimdedi.
«Bul Germanııany synǵa alǵanym emes. Germanııa óz tańdaýyn jasady. Alaıda ol óz jaýapkershiligin sezinýi tıis», - dep atap ótti jýrnalıstermen áigimelesý barysynda Vals.
Onyń aıtýynsha, Frantsııa men Belgııa aıqyn sebepterge baılanysty mıgranttardy qabyldaýdy toqtatýy tıis.
Frantsııa Premeri 2015-2016 jyldary 30 myńǵa deıin bosqyn qabyldaý mindettemesin oryndaýǵa nıetti ekenin atap ótti, alaıda frantsýzdar Parıjde 13 qarashada oryn alǵan lańkestiktiń keıbir oryndaýshylary elge mıgranttar qatarynda kelgenin biletinin atap ótti.
«Bul Eýropanyń bosqyndar aǵynyn baqylaý jáne shekaralardy baqylaý sheshimin iske asyrý boıynsha múmkindikter problemasyn kóteredi», dep qosty ol.
Jýyrda Grekııa men Makedonııa arasyndaǵy shekarada turyp qalǵan mıgranttar Eýropaǵa ótkizbeýine qarsy narazylyq retinde óz aýyzdaryn tikkeni belgili boldy.
Eýropadaǵy shekaralardy qorǵaý máseleleri boıynsha pikirsaıystar 13 qarashada Parıjde oryn alǵan shabýyldar serııasynan keıin kúsheıip ketti.
