Frantsııa polıtsııasy Kala qalasyndaǵy mıgranttarǵa arnalǵan lagerlerdi buzýǵa kiristi
ASTANA. QazAqparat - Frantsııa polıtsııa\sy Kala qalasyndaǵy mıgranttarǵa arnalǵan lagerlerdi buzýǵa kiristi, dep habarlady 24.kz.
Jergilikti bıliktiń mundaı sheshim qabyldanýyna kelimsekter qonystanǵan ýaqytsha keshenderde qotyrdyń taralýy sebep bolǵan. Al kóp adam shoǵyrlanǵan ortalyqtarda tazalyq talaptarynyń tıisti deńgeıde saqtalmaýy juqpaly aýrýdyń shyǵýyna ákeldi. Frantsýz sheneýnikteri mundaı qaýipti jaǵdaıdyń qalyptasýy indettiń lager aýmaǵynan shyǵyp, qala halqynyń densaýlyǵyna anyq qater tóndire bastady deıdi. Degenmen bılik mıgranttarǵa bul aradan óz betterimen ketýge 7 kún merzim bergen bolatyn. Biraq kelimsekter buǵan múlde qulaq aspaǵan. Ýaqytsha ortalyqty mekendegen 800 adam negizinen Azııa, Afrıka jáne Taıaý Shyǵystan kelgen bosqyndar.
