Frantsııa polıtseıleri dron aýlaıtyn qyrandardy kórsetti
ASTANA. QazAqparat - Frantsııa polıtsııasy ruqsatsyz ushyrylǵan drondardyń jolyn bógeıtin tórt qyrandy kórsetti. Bul týraly Digital Trends jazdy.
Qustardy qurylǵylardy aýlaýǵa balapan shaǵynan baýlyǵan. Olar ushýdy bilmeı jatyp, jerdegi drondardy aýlaýǵa kirisken. Árbir aýlaǵan qurylǵy úshin et berip otyrǵan.
Qyrandardy negizinen eń kóp taralǵan DJI Phantom 4 Pro nemese Mavic sekildi apparattardy aýlaýǵa úıretken.
Polıtseıler olardy áýe keńistigeniń tyıym salynǵan bóligin - áýejaılar men túzetý mekemelerin jeke drondardan qorǵaý maqsatynda qoldanýdy josparlaýda.
Qyrandar Bastılııany alý kúni sekildi halyqtyq serýender, halyqaralyq konferentsııalar men sammıtter kezinde qaýipsizdikti qamtamasyz etetin bolady.
