Frantsııa Parlamenti zeınetaqy júıesin reformalaý týraly zań jobasyn maquldady
ASTANA. Qazannyń 28-i. QazAqparat - Frantsııanyń Ulttyq jınalysy keshe, qazannyń 27-sindegi májilisinde zeınetaqy júıesiniń reformasy týraly zań jobasyn maquldady, dep habarlaıdy ITAR-TASS agenttigi.
Parlamenttiń tómengi palatasynyń qaraýyna, buǵan deıin palatalardyń kelisý komıssııasy arqyly ótken jáne naqty túrde Senatty maquldanǵan zań jobasynyń mátini qaıta usynylǵan bolatyn. Qujat Ulttyq jınalysta 336 qoldaý daýysyn alsa, 233 «qarsy» daýys aldy. Osylaısha, el Prezıdenti Nıkolıa Sarkozıdiń bastamashylyǵy boıynsha ázirlengen, uzaq ýaqyt qaralyp, qyzý talqylanǵan zań jobasyn Frantsııa parlamenti maquldady.
Zań jobasynyń eldiń Ata zańyna sáıkestigi qýattalǵannan keıin, qujat Prezıdent Nıkolıa Sarkozıge joldanady. Al Prezıdent qol qoıǵannan keıin, bul zań qarasha aıynyń ortasynda kúshine enedi dep kútilýde.
