Frantsııa parlamenti bir jynystylardyń nekesin zańdastyrdy
ASTANA. 4 aqpan. QazAqparat - Frantsııanyń ulttyq assambleıasy bir jynystylardyń nekelesip, bala asyrap alýyna ruqsat beretin zań jobasyn jaqtap, daýys berdi. Bul jaıynda «Lenta» portaly habar taratty. Zań jobasyna 249 depýtattyń 97-si qarsy shyqqan.
Bul sheshimge bılik basyndaǵy Sotsıalıstik partııasy, solshyldar partııasy, sondaı-aq, Jasyldar partııasynyń ókilderi qoldaý bildirdi. Buǵan qosa, ońshyl tsentrıstik partııanyń bir depýtaty jaqtap, daýys bergen. Al bul partııanyń ózge bir ókili - Fılıpp Gosselen úkimettiń Frantsııa qajet etip otyrmaǵan zańdy qoldanysqa engizgisi keletinin aıtyp, málimdeme jasady. Tipti, mundaı juptarǵa kelesi joly sýrrogatty jolmen perzent súıýge de ruqsat berýi múmkin dep, el úkimetin qatty synǵa aldy. Bul zańǵa Katolık shirkeýi de qarsylyq bildirdi.
Saýalnama nátıjesi kórsetkendeı, frantsýzdardyń kóbisi kógildirlerdiń juptasyp ómir súrýine qarsylyq bildirmegen. Az bóligi ondaı juptardyń perzent súıip, bala asyrap alýyna da kelisken.
muslim.kz saıtynyń jazýynsha, sońǵy ýaqytta bul zań qoǵamnyń qyzý talqysyna túsip, eldi dúrliktirgen edi. Qyztekeler men erkekshoralardyń neke qıdyrýyna narazylyq bildirip, sherýge shyqqandarmen qatar, zańdy jaqtap, kóshege shyqqandardyń da qarasy az bolmady.
Qazirgi el prezıdenti Fransýa Olland saılaý aldynda kógildirlerdiń quqyǵyn qorǵaıtynyn aıtyp, ýáde bergen bolatyn. Ol birneshe ret osyǵan qatysty málimdeme jasap, Frantsııada ótetin bir jynystylardyń alǵashqy úılený toıyna da qatysatynyn jetkizgen edi.
