Frantsııa palestınalyq máselede ymyraǵa kelýdi usyndy
ASTANA. 22 qyrkúıek. QazAqparat - Sársenbi, 21 qyrkúıekte, BUU Bas Assambleıasynda Frantsııa palestınalyq kóshbasshy Mahmud Abbastyń BUU-ny Palestınalyq avtonomııany táýelsiz memleket retinde moıyndatý jobasy aınalasyndaǵy taıtalasty toqtatý úshin ymyraǵa kelýdi usyndy.
Amerıka Daýysynyń habarlaýynsha, sársenbi kúni Bas assambleıada sóılegen sózinde Frantsııa prezıdenti Nıkolıa Sarkozı máseleden shyǵýdyń ózindik nusqasyn usyndy. Oǵan sáıkes, palestınalyqtar BUU-da joǵary baqylaýshy mártebesine ıe bolyp, sonymen qatar Izraılmen beıbit kelisim júrgizip, kelisimniń bekitilý merzimi naqty belgileıtin bolady.
«Kelisim júrgizýdi bastap, naqty merzimin bekiteıik. 60 jyl ótti, al biz bolsaq bir santımetrge bolsyn alǵa jyljyǵan joqpyz. Bul ádisimizdi ózgertip, jańa merzim belgileýimiz kerek degen sóz emes pe? Bir aı ishinde kelissózderdi jańartaıyq. Alty aı ishinde shekaralar men qaýipsizdik sharalary boıynsha kelisimderdiń qýattalýyn qamtamasyz etemiz. Bir jyldyń ishinde sońǵy qorytyndy kelisim bekitilýi tıis», - dedi N. Sarkozı.
