Frantsııa óziniń zańnamalyq qujattarynan «áke», «ana» sózderin alyp tastaıdy
ASTANA. 26 qyrkúıek. QazAqparat - Frantsııa bir jynysty nekeni zańdastyryp, olarǵa bala asyrap alýǵa ruqsat berip qana qoımaı,
resmı qujattardaǵy «áke» jáne «ana» sózderinen arylatyn bolady. Bul týraly «Kommersant» jazdy.
Dástúrli emes otbasylarǵa yńǵaısyzdyq týdyrmas úshin qujattarda «ata-ana» sózi jazylatyn bolady. 31 qazan kúni úkimette tanystyrylatyn zań jobasynda jazylǵandaı «neke - ol bir nemese ártúrli jynysty adamdardyń odaǵy».
Bunymen qosa jańa ózgertýler bir jáne ártúrli jynysty otbasylarǵa bala asyrap alýǵa (2013 jyldan bastap) teń quqyq beretin bolady.
Jańa erejelerge katolıktik shirkeýi qarsylyq bildirdi.
Aıta keteıik, dástúrli emes nekelerdi zańdastyrýdy óziniń saılaýaldy baǵdarlamasynda Frantsııa prezıdenti Fransýa Olland ýáde etken bolatyn. Qazir bul elde «bir jynysty seriktestik» qana zańdastyrylǵan, biraq olarda bala asyrap alý quqy joq.
Aǵymdaǵy jyldyń jazynda ótkizilgen áleýmettik saýalnama geılar frantsýzdyq elektorattyń 6,5 paıyzyn quraıtyndyǵyn kórsetti. Al saılaýshy-katolıkterdiń sany olardan eki paıyzǵa az.
