Frantsııa oıynshysy Antýan Grızmann óz eliniń tarıhynda úzdik pas berýshi atandy

ASTANA. QazAqparat – Frantsııa quramasynyń oıynshysy Antýan Grızmann óz eliniń tarıhynda úzdik nátıjeli pas berýshi atandy, dep habarlaıdy QazAqparat tilshisi.

A.Grızmann Anglııamen ótken shırek fınaldyq matchta eki ret nátıjeli pas berdi.

Frantsııa quramasynyń jeńisimen aıaqtalǵan oıynda Grızmann 17-mınýtta Orelen Chýamenıge, ekinshi kezeńde Olıve Jırýǵa (78-mınýt) pas berdi. Komandalastary muny golǵa aınaldyrdy.

Osylaısha, A.Grızmann nátıjeli pas sanyn 28-ge jetkizdi. Bul kórsetkish jóninen ol Frantsııanyń ataqty fýtbolshylary Terrı Anrı men Zınedın Zıdandy (bulardyń ekeýinde 26 pas) basyp ozdy.

Bıylǵy birinshilikte Dıde Desham jattyqtyratyn frantsııalyqtar álem chempıony ataǵyn sátti qorǵap jatyr. Olar jartylaı fınalda 14 jeltoqsanda Marokko quramasymen jasyl alańǵa shyǵady.

Eske sala keteıik, budan buryn Portýgalııa jeńilgennen keıin Krıshtıaný Ronaldýdyń kóz jasyna erik bergenin jazǵan bolatynbyz.

Sondaı-aq Marokko qaqpashysy Portýgalııamen matchtyń úzdik oıynshysy atandy.

Frantsııa qaqpashysy Ýgo Lorıs óz eliniń rekordyn jańartty.

Anglııany utqan Frantsııa ½ fınalǵa shyqqan sońǵy komanda boldy.