Frantsııa ortalyǵynda jol apatynan keıin 200-den astam shoshqa kólik qozǵalysyn bógedi
ASTANA. QazAqparat - Frantsııada aýdarylǵan júk kóliginen 200-den astam shoshqa qashyp shyqty. Seısenbide Pýate qalasynda bolǵan jol apaty jaıly BFM TV telearnasy habarlady.
Onyń derekterine sáıkes mashına parıj aýdanynan Bordodaǵy qasaphanaǵa birneshe júzdegen shoshqa apara jatqan. Dańǵyl jolda kele jatqan júk kóliginiń júrgizýshisi rýldi basqara almaı qalǵan. Ol ondaǵan metr qorshaýdy buzyp ótip, aýdarylyp ketken.
Júrgizýshi azdap jaraqat aldy. Maldyń kóbi qyrylyp qaldy, birazy qorap synyqtary arasynan shyǵa almaı qaldy. Taǵy 200-deı shoshqa jolǵa qaraı qashyp, kólik keptelisine alyp keldi.
Keptelis jeti shaqyrymǵa jetti. Veterınarlyq qyzmet qyzmetkerleri olardy ustaýǵa tyrysyp baǵýda.
