Frantsııa musylmandary birjynystylardyń nekesine narazylyq tanytýda
ASTANA. 8 qańtar. QazAqparat - Frantsııada musylman zııaly qaýym ókilderi men ǵalymdary halyqty bir jynystylardyń nekelesýine ruqsat beretin zań jobasyna qarsy shyǵýǵa shaqyrdy. Reuters halyqaralyq aqparat agenttigine joldaǵan hatynda musylman belsendisi: «Biz 13 qańtarda talqyǵa túsetin zań jobasyna narazylyq tanytamyz. Biz barlyq Frantsııa musylmandaryn arsyz qujatqa qarsy shyǵýǵa úndeımiz»,- dep jazypty.
muslim.kz saıtynyń jazýynsha, sonymen birge musylmandar bul hatta «qazirgi el prezıdenti Fransýa Olland úkimeti halyq nazaryn Frantsııadaǵy jappaı jumysssyzdyq máselesinen túkke turmaıtyn nekelesý jaıyna ádeıi buryp otyr» dep aıyptaǵan.
Taǵy bir sumdyq jaıt, jańa zań qabyldanǵan jaǵdaıda, bir jynystylar qurǵan otbasylarǵa bala asyrap alýǵa da ruqsat berilmek.
Atyshýly qujattyń qabyldanyp ketý qaýpi zor. Muny jaqynda júrgizilgen áleýmettik saýalnama nátıjesi baıqatty. Saýalnamaǵa qatysqandardyń 60 paıyzy jynysy birlerdiń nekesin qoldap daýys bergen.
Buǵan deıin Argentına, Belgııa, Kanada, Danııa, Islandııa, Gollandııa, Norvegııa, Portýgalııa, Ońtústik Afrıka Respýblıkasy, Ispanııa jáne Shvetsııada jynysy bir adamdardyń úılenýine zańmen ruqsat bergen.
