Frantsııa musylmandary bir jynystylardyń nekesine qarsy qaýymdastyq qurdy
ASTANA. 16 naýryz. QazAqparat - Frantsııa musylmandary bir jynystylardyń nekesine ruqsat beretin zań jobasyna belsendi túrde qarsylyq bildirmek. Desın-Sharpe dep atalatyn shaǵyn qalada musylman jamaǵaty bir jynystylardyń nekesi men olardyń bala asyrap alýyna qarsy kúresetin «Musylmandar balalyq shaq úshin» atty qaýymdastyq qurdy. Bul jaıynda saphirnews.com aqparat portaly habar taratty.
«Frantsýz musylmandary neke ınstıtýtynyń saqtalýyna, balanyń dástúrli otbasynda ósip-jetilýine kúsh salady. Atalmysh zań jobasy qoǵamǵa qaýip tóndiredi», - dep málimdedi «Musylmandar balalyq shaq úshin» qaýymdastyǵynyń jetekshisi Ábdirahman Aıt-Raba.
Onyń aıtýynsha, qaýymdastyqtyń quramyna kirip jatqandardyń qatary artyp keledi.
muslim.kz saıtynyń jazýynsha, buǵan qosa, «Musylmandar balalyq shaq úshin» qaýymdastyǵy «Barlyǵy úshin qarsylyq bildirý» atty áıgili qoǵamdyq uıymmen yntymaqtasyp, Parıjde naýryzdyń 24-i kúni sherý ótkizýdi josparlap otyr.
