Frantsııa mıgranttarǵa tosqaýyl qoıý úshin qabyrǵa salady
ASTANA. QazAqparat - Frantsııanyń Kale qalasyndaǵy kemejaıǵa barar joldy jaǵalaı beton qabyrǵa turǵyzyla bastady, dep habarlaıdy «Habar 24».
Bul - zańsyz mıgranttardyń nópirin tejeý úshin jasalǵan amal. Bıiktigi - 4 metr, al uzyndyǵy bir shaqyrymǵa jetetin qabyrǵanyń qurylysy jyl sońyna deıin aıaqtalýy tıis.
Jospar boıynsha ol buǵan deıin tartylǵan temir qorshaýdyń jalǵasy bolmaq. Aıta ketken jón, Kale qalasynyń irgesinde mıgranttardyń zańsyz lageri ornalasqan.
Munda turatyn bosqyndardyń deni La-Mansh buǵazy astyndaǵy týnnel arqyly Ulybrıtanııaǵa jetýge asyq. Sondyqtan olar kemejaıǵa ótip, sý kólikterine zańsyz minip ketip jatady.
