Frantsııa men Shveıtsarııa arasyn jalǵaıtyn metro salyndy
NUR-SULTAN. QazAqparat – Jenevada 15 jeltoqsanda Lemans Express jeńil metrosy iske qosylady. Bul metro Shveıtsarııa men Frantsııa qalalary arasyn jalǵaıdy. Bul týraly QazAqparat Neue Zurcher Zeitung basylymyna silteme jasap habarlaıdy.
Lemans Express júıesi eki eldiń aýmaǵyndaǵy 45 stansany qamtıdy, onyń jalpy qashyqtyǵy 230 shaqyrym. Osy baǵytta Jenevadan árbir on mınýtta jolǵa shyǵatyn 45 poıyz tartyldy. Jobanyń quny – 1,5 mlrd eýro.
Jańa kólik júıesi joldaǵy avtomobılder sanyn 12%-ǵa qysqartyp, kún saıyn 650 myń avtokólik kesip ótetin Frantsııa-Shveıtsarııa shekarasyndaǵy keptelisti azaıtýǵa múmkindik beredi dep josparlanýda.
Frantsııada baspana quny arzanyraq, al Shveıtsarııada jalaqy joǵary bolǵandyqtan kóptegen adamdar bir memlekette jumys istep, kelesi elde turyp jatyr.
