Frantsııa men Portýgalııada orman órti qaıta órshidi
NUR-SULTAN. QazAqparat - Frantsııanyń órt sóndirýshileri eldiń ońtústigindegi Gar departamentindegi órtti aýyzdyqtady, dep habarlaıdy QazAqparat Euronews.com saıtyna silteme jasap.
Tilsiz jaýmen arpalys kezinde 9 órt sóndirýshi japa shekti, onyń bireýi qoly men betin kúıdirip alǵan. Órt sóndirýshi tikushaqpen aýrýhanaǵa jetkizildi.
Órt Obe kommýnasynda bastalyp, 370 gektar ormandy jalmaǵan.
Sondaı-aq, eki úı, eki qoıma jáne kóshpeli úı tárizdes avtofýrgon túgi qalmaı janyp ketti.
400-den astam órt sóndirýshi áli de osy óńirde qalyp, órtti sóndirý jumysyn júrgizip jatyr.
Al Portýgalııada bolsa, jeksenbi kúni Lıssabonnan 40 km jerde orman ishinde jańa órt oshaǵy paıda boldy. Ony sóndirýge 400-deı órt sóndirýshi, 5 ushaq jáne tikushaq tartyldy. Alaıda kún qatty ysyp ketip, qyzyl jalyndy aýyzdyqtaý qıynǵa soǵyp tur.
Foto: ru.euronews.com
