Frantsııa men Italııany sý basý qaýpi kúsheıip keledi
ASTANA. QazAqparat - Italııa men Frantsııada sý tasqyny qaýpi týraly eskertý jarııalanýda. Qatty nóser Eýropanyń birqatar óńirin alańdatyp otyr, dep habarlady VVS.
Arno ózeniniń arnasynan asyp, sý basý qaýpiniń oryn alýyna baılanysty Italııanyń Pıza qalasynyń júzdegen turǵyny baspanalaryn tastap, kóshýge májbúr.
Frantsııanyń da Atlant muhıty jaǵalaýynda sý tasqyny oryn alýy qaýpi kúsheıip tur. Al Serbııada jaýǵan qalyń qar saldarynan kóptegen adamdar syrtqy álemmen baılanysa almaı otyr.
