Frantsııa men Italııadaǵy tasqyn: úıler men kópirler sý astynda qaldy

LION. EURONEWS. QazAqparat - Frantsııanyń ońtústigi men Italııanyń soltústiginde sý tasqyny saldarynan kem degende tórt adam qurban boldy, dep habarlaıdy QazAqparat Euronews agenttigine silteme jasap.

Qutqarýshylar iz-tússiz joǵalǵan ondaǵan adamdy izdestirýde. Іzdeý jumystaryna áskerı qyzmetkerler, órt sóndirýshiler jumyldyrylǵan, Frantsııa bıligi kómek retinde tórt tikushaq jiberdi.

Italııanyń Pemont jáne Lıgýrııa aımaqtarynyń bıligi úkimetten tótenshe jaǵdaı rejımin engizýdi surap otyr.

Juma kúni Frantsııa men Italııany «Aleks» daýyly jaıpap ótti. Sý aǵyny úıler men kópirler shaıyp ketti. Qazirgi kezde qutqarýshylar bar múlkinen aıyrylǵan adamdarǵa kómek kórsetýge árekettenip jatyr. Kókshil jaǵalaýda nebári jarty kún ishinde jartyjyldyq ýaqytqa tatıtyn jaýyn-shashyn normasy (500 mıllımetr) túsken.

Frantsııa premer-mınıstri Jan Kastekstiń aıtýynsha, elde osyndaı jańbyr eshqashan jaýǵan emes.