Frantsııa men Italııa arasynda temirjol salýǵa qarsy myńdaǵan adam narazylyq bildirdi
ASTANA. QazAqparat – Lıon-Týrın baǵytyndaǵy temirjol qurylysyna qarsy birneshe myń adam ereýilge shyǵyp, polıtsııa kózden jas aǵyzatyn gaz qoldanýǵa májbúr boldy, dep habarlaıdy QazAqparat Euronews-ke silteme jasap.
Frantsııa men Italııa arasynda temirjol salýǵa qarsy toptyń narazylyq aktsııalary polıtsııamen qaqtyǵysqa ulasty.
Uıymdastyrýshylardyń aıtýynsha 4 myńnan, polıtsııa málimeti boıynsha 3 myńnan astam adam Savoııanyń ońtústik-shyǵys departamentindegi Sen-Remı-de-Morende narazylyq bildirdi.
Belsendiler Frantsııa men Italııany jalǵaıtyn joǵaryjyldamdyqty magıstral qurylysyn toqtatýdy talap etti. Olardyń oıynsha, bul jol syrtqy ózgeristerge sezimtal sanalatyn Alpi aımaǵynyń tabıǵatyna orasan zııan keltirýi múmkin.
Narazylyq bildirýshiler jergilikti jerdegi temirjol men avtojoldardy bógep, poıyzdar qozǵalysy toqtady.
Tártip saqshylaryn taspen atqylap, olar kózden jas aǵyzatyn gaz qoldandy.
Alpidegi uzyndyǵy 57 km astam tonneli bar Lıon-Týrın jańa temirjol jelisi Eýroodaqtyń qoldaýymen salynyp jatyr. Joba quny 26 mlrd eýrodan asady.
