Frantsııa men Ispanııada orman órti órship tur

BRıÝSSELЬ. QazAqparat - Frantsııa men Ispanııanyń órt sóndirýshileri búkil Eýropany qamtıtyn orman órtterin aýyzdyqtaýǵa tyrysyp jatyr, dep habarlaıdy QazAqparat Daily Mail basylymyna silteme jasap.

Frantsııada orman órti qazirgi kezde 11 myń ga jerge jaıylǵan, onymen 1200-den astam órt sóndirýshi kúresip jatyr. Eki iri oshaq eldiń ońtústik-batysyndaǵy Bordonyń ońtústigindegi qaraǵaıly ormandarda ornalasqan. Ondaǵy órt alty kúnnen beri jalǵasyp jatyr. 14 myńnan astam adam evakýatsııalanǵan. Parıj birneshe aımaq úshin maksımaldy yqtımal «qyzyl dabyl» jarııalap, turǵyndaryn asa qyraǵy bolýǵa úndedi.

Ispanııada órt sóndirýshiler qarýly kúshterdiń jedel toptarynyń qoldaýymen eldegi ormandardy sharpyǵan 30-dan astam órtti sóndirýge tyrysýda. Eldiń Ulttyq qorǵanys mınıstrligi órt sóndirý ushaqtarynyń kóbi jerdegi ekıpajdarǵa jetý qıyn bolatyn oıly jáne taýly jerlerde jumyldyrylǵanyn málimdedi.

Sondaı-aq, Portýgalııa, Grekııa, Túrkııa, Horvatııa jáne Ulybrıtanııanyń keıbir bólikterinde de orman órti tirkeldi.

Foto: ap.org