Frantsııa Memlekettik keńesi mektepterde abaııa kııýge tyıymdy qoldady

ASTANA. QazAqparat – Frantsııa memlekettik keńesi oqý jylynyń basynda úkimet engizgen, mektepterde abaııa kııýge salynǵan tyıymdy qoldady, dep habarlaıdy QazAqparat Euronews-ke silteme jasap.

Eldiń Joǵarǵy ákimshilik sotynyń músheleri bul tyıym negizgi erkindik quqyqtarynyń (jeke ómir men bilim alý quqyǵy, din erkindigi jáne t.b.) eshbirin buzbaıdy dep esepteıdi. Olardyń pikirinshe, uzyn, búkil deneni jaýyp turatyn kıim kııý – «dinshildik kórinisi». Memlekettik keńeske Action droits des musulmans (Musylmandar quqyǵyn qorǵaý qozǵalysy) joldaǵan aryz qabyldanbady.

Keıingi áleýmettik saýalnama qorytyndysyna sáıkes, ońshyl jáne solshyl frantsýzdardyń 81% mektepterde abaııa kııýge salynǵan tyıymdy qoldaıdy.

Juma kúni Klermon-Ferranada abaııany sheshýden bas tartyp, mektepke kirgizilmegen qyzdyń ákesin polıtsııa bólimine jetkizilgen. Ol qyzyn kezekti ret mektepke kirgizbegennen keıin dırektorǵa habarlasyp, qoqan-loqy kórsetken.

Eýropanyń basqa elderi oqýshy qyzdardyń oranyp júrýine qalaı qaraıtynyn buǵan deıin jazǵan bolatynbyz.

Al Ózbekstan birer kún buryn betti tumshalap kóshege shyǵýǵa tyıym salatyn zańdy qabyldady.