Frantsııa mektepterinde uıaly telefonǵa tyıym salyndy
BRıÝSSELЬ. QazAqparat - Dúısenbi kúni Frantsııa parlamenti mektepter men kolledjderde smartfon paıdalanýǵa tyıym salý usynysyna qoldaý tanytty, dep habarlaıdy QazAqparattyń menshikti tilshisi jergilikti BAQ-qa silteme jasap.
Prezıdent Emmanııýel Makronnyń bastamasymen qurylǵan zań ǵalamtorǵa shyǵýǵa múmkindik beretin qurylǵylardy oqý ǵımarattary mańaıynda paıdalanýǵa tyıym salady. Olardyń qatarynda noýtbýk, planshet, smartfon, «aqyldy» saǵattar bar.
Devaıstardy bilim alý maqsatynda qajettiligi týyndaǵan kezde ǵana paıdalanýǵa ruqsat etiledi.
Zańdy qoldaýshylardyń aıtýynsha, Frantsııada 12 men 17 jas aralyǵyndaǵy on jasóspirimniń toǵyzynda uıaly telefon bar. Alaıda qurylǵylardy paıdalaný balalardyń sabaqty zeıin qoıyp tyńdaýyna kedergi keltiredi, fızıkalyq belsendiligin tómendetedi.
Mektepte ótetin sabaqtar kezinde uıaly telefondardy paıdalanýǵa zańdy túrde 2010 jyldan beri tyıym salynǵan, alaıda jańadan engizilgen zań odan da qatań. Budan bylaı devaıstardy tek synypta ǵana emes, mekteptiń aýmaǵynda, tipti odan tys jerlerde sabaq oqyǵan kezde qoldanýǵa tyıym salyndy.
Atalmysh zań jańa oqý jylynyń qyrkúıek aıynda óz kúshine enedi.
