Frantsııa – Marokko matchynan keıin jankúıerler qaqtyǵysynda 14 jasar jasóspirim kóz jumdy

ASTANA. QazAqparat – Frantsııa – Marokko matchynan keıin Monpele qalasynda frantsııalyqtar men etnıkalyq marokkolyqtar arasynda qaqtyǵystar boldy, dep habarlaıdy QazAqparat tilshisi.

RMC Sport málimetine qaraǵanda, Frantsııanyń atalǵan qalasynda qaqtyǵys saldarynan 14 jasar jasóspirim kóz jumdy.

Frantsııa quramasynyń jankúıerleri otyrǵan avtokólikke belgisiz adamdar kelip, terezeden shyǵyp turǵan ulttyq qurama jalaýyn jula bastaǵan. Júrgizýshi ornynan kilt qozǵalyp, 14 jasar ul balany qaǵyp ketken. Alǵan jaraqattary saldarynan jasóspirim aýrýhanada qaıtys boldy.

Munyń aldynda jappaı qaqtyǵys saldarynan jaraqat alǵandar bar ekendigi habarlanǵan edi.

Eske sala keteıik, budan buryn Messıdiń álem chempıonattarynda Argentına quramasynyń úzdik surmergeni atanǵanyn jazǵan bolatynbyz.

Sondaı-aq úzdik oıynshy Messı álem chempıonattarynyń rekordyn ornatty.

Frantsııa quramasynyń qaqpashysy Ýgo Lorıs Manýel Noıerdiń jetistigin qaıtalady.

Fýtboldan álem chempıonatynda Frantsııa fınalǵa shyqty.

Foto: REUTERS / Eric Gaillard