Frantsııa «Koka-Kolaǵa» salyq salmaqshy
ASTANA. 26 tamyz. QazAqparat - Salyq zańnamalaryn reformalaý aıasynda Frantsııa bıligi quramynda qanty bar alkogolsiz sýsyndarǵa salyq salýdy engizýdi usynyp otyr,
dep jazady «RBK daily» gazeti.
Eldiń Premer-mınıstri Fransýa Fııon quramynda qanty bar alkogolsiz sýsyndarǵa salyq salýdy engizýdi usynady. Sol arqyly Parıj eki maqsatqa qol jetkizýdi kózdeıdi: birinshiden, ulttyń densaýlyǵyn saqtaýdy oılasa, ekinshiden, bıýdjettiń qaltasyn qampıtý.
Jańa engiziletin salyq óz kúshine kelesi jyldan bastap enedi jáne qazynanyń qorjynyna jylyna 120 mln. eýro alyp keledi degen boljam bar.
