Frantsııa qaryzynan qutylý úshin «Mona Lıza» kartınasyn satpaq
ASTANA. QazAqparat - Frantsýz úkimeti Leonardo da vınchıdiń Lývr kollektsııasynda «Mona Lıza» kartınasyn satý múmkindigin talqylaýda, dep habarlady «Rossııskaıa gazeta». Bundaı qadamǵa frantsýz bıligi eki trıllıon eýrony quraıtyn memlekettik qaryzyn jabý úshin barǵaly otyr.
Frantsýz astanasynda óner qazynasy toly 173 mýzeı bar. Sarapshylardyń esepteýinshe, bir ǵana Orse kollektsııasyn satýdyń ózi memlekettiń nesıeshilermen esep aıyrysýyna múmkindik berer edi. Alaıda frantsýz zańnamasy memlekettik mýzeıler eksponattaryn satýǵa jol bermeıdi. Sondyqtan da Parıj tyıym salynbaǵan dúnıeniń bárin: Elıseı saraıynyń urasyndaǵy sharapty, Saltanatty arkadaǵy burynǵy halyqaralyq konferentsııa zaly ǵımaratyn satpaq.
Osy sııaqty Portýgalııa da Joana Mıro shyǵarmalarynyń kollektsııasyn 36 mıllıon eýroǵa satýǵa shyǵaryp, salyq júginen qutylmaqshy. Lıssabonnyń memlekettik qaryzy - 210 mıllard eýro.
"Mona Lıza" - Leonardo da Vınchı 1503-1505 jyldary salǵan kartınasy. Onyń tolyq ataýy «Lıza de Djokondo hanymnyń portreti». Onda da Vınchı florentsııalyq jibek satatyn saýdagerdiń zaıyby Lıza Gerardınıdi beınelegen. Ónerdiń eń tanymal týyndysy1911 jyly urlandy, odan keıin de birneshe ret shabýyl jasaldy. Sondyqtan da 50 jyldary kartınanyń beti oq ótpeıtin áınekpen jabyldy. Qazir Lývrǵa qoıylǵan.
