Frantsııa ishki ister mınıstriniń sózi musylmandardyń narazylyǵyn týdyrdy
ASTANA. 13 aqpan. QazAqparat - Frantsııanyń Іshki ister mınıstri Manýel Vals eldiń 30 jylǵa sozylǵan ıntegratsııalyq protsesten utylǵanyn baıandaıtyn esepke qatysty óz pikirin bildirdi. Mınıstr frantsııalyq musylmandardy jaıyna qaldyrý jaıly pikirge úzildi-kesildi qarsy shyqty. Onyń aıtýynsha, Frantsııada «qoǵamdyq pikirdi lastaıtyn» ıslam týraly sóz qozǵalmaýy kerek. Bul jaıynda ajib.fr aqparat portaly habar taratty.
«Áıelderdiń bas bostandyǵyn shekteıtin hıdjabqa qarsy el bolyp, kúresýimiz kerek», - dep málimdedi ol frantsýzdardyń tanymal telearnasyna bergen suhbatynda.
Muslim.kz saıtynyń jazýynsha, buǵan qosa, ol talaı jyldan beri hıdjabqa qatysty kózqarasynyń ózgermegenin aıtqan. Sondaı-aq mınıstr 2004 jyly frantsýz mektepterinde dinı naqyshtaǵy kıimderdi kıip júrýge, al 2011 jyly el aýmaǵyndaǵy qoǵamdyq oryndarda nıqab kııýge tyıym salatyn zańdy jaqtap, daýys bergenin de jetkizdi.
Mınıstrdiń bul sózi frantsııalyq musylmandardyń jáne osy eldegi ıslam uıymdarynyń narazylyǵyn týdyrdy. Islamofobııamen kúresetin belgili frantsııalyq uıym mınıstrdi osy sózi úshin aıyptap, óz málimdemesinde «Frantsııadaǵy nanym-senim bostandyǵy úshin kúresýge» shaqyrdy.
