Frantsııa halqynyń 60 paıyzy vaktsınanyń birinshi dozasyn aldy
BRıÝSSELЬ. QazAqparat – Frantsııa úkimeti «sanıtarlyq ruqsattamalardy» qoldanýdy keńeıtý jáne aýrýhana qyzmetkerleri úshin mindetti vaktsınatsııa talaby týraly baǵdarlamany jarııalaǵannan keıin eldegi vaktsınatsııa qarqyny artty, dep habarlaıdy QazAqparat menshikti tilshisi.
Dúısenbi kúni Frantsııa prezıdenti Emmanıýel Makron 40 mln el turǵyny koronavırýsqa qarsy vaktsınanyń keminde birinshi dozasyn alǵanyn málimdedi. Bul Frantsııa halqynyń 60%-yn quraıdy. Sońǵy eki aptada vaktsınatsııa qarqyny artty.
Frantsııalyq BAQ habarlaǵandaı, buǵan «sanıtarlyq ruqsatnamalardy» qoldaný jáne medıtsına qyzmetkerlerin mindetti túrde vaktsınalaý yqpal etti.
Sondaı-aq eldiń 33 mıllıonnan astam turǵyny (50%-ǵa jýyǵy) tolyq vaktsınalandy (eki dozasyn aldy).
Frantsýz bıligi tamyz aıynyń sońyna deıin vaktsınanyń kem degende bir dozasyn 50 mıllıon adamnyń alýyn kózdeıdi.
Sondaı-aq shilde aıynyń ekinshi jartysynda Frantsııada «delta» nusqasynyń taralýyna baılanysty koronavırýs juqtyrýshylar sany artýda.
25 shildede koronavırrýs juqtyrýdyń 16 myń jańa jaǵdaıy anyqtaldy. Aıdyń basynda bir táýlikte 2,5 myńǵa jýyq jaǵdaı tirkelgen bolatyn.
Bılik ókilderi atap ótkendeı, koronavırýsqa shaldyqqandardyń kópshiligi – ekpe almaǵan turǵyndar.
Shetelge sapary barysynda prezıdent E.Makron respýblıka turǵyndaryn ekpe alýǵa shaqyryp, vaktsınadan bas tartqandardy «jaýapsyzdar» men «ózimshilder» dep aıyptady.
Avtor: Arnur Rahymbekov
