Frantsııa Google-den 1,6 mlrd eýro tólenbegen salyqty talap etti
ASTANA. QazAqparat - Frantsııa bıligi amerıkalyq ınternet alyby Google-den tólenbegen salyq úshin ótemaqy retinde 1,6 mlrd eýro talap etti, dep habarlady VVS agenttigi.
Osyǵan deıin «Google» kompanııasy brıtanııalyq bılikke 130 mln. fýnt salyq tóleýge kelisti.
«Frans press» agenttiginiń aqparatynsha, «Google» basshylyǵy frantsýz bıligimen tólem jasaý sharttaryn talqylady, olar somanyń bir bóligin ǵana tóleýi yqtımal.
Frantsýz bıligi men «Google» ókilderi bul jaǵdaıǵa baılanysty málimdeme jasamady.
Ótken jyly Eýroodaqtyń salyq retteýshileri EO aýmaǵynda qyzmet etetin iri kompanııalardyń salyqtyq kelisimsharttaryn teksere bastady.
Ótken jyldyń qazanynda Eýropalyq komıssııa Starbucks kofehana jelilerin jáne Fiat Chrysler avtokontsernin 30 mln eýrodan qosymsha salyq tóleýge mindettedi.
Eýrokomıssııanyń nazaryna EO aýmaǵyndaǵy «Apple» jáne «Amazon» kompanııalarynyń salyq tólemderine nazar aýdardy.
