Frantsııa fýtbolshysy saqalyn qyryp tastaýdy talap etken klýbpen kelisimshartyn úzdi
ASTANA. QazAqparat - Frantsııanyń «Evıan» fýtbol klýbynyń qorǵaýshysy Gael Jıveniń klýbpen kelisimshartyn úzýine týra keldi. Oǵan fýtbolshynyń saqaly sebep bolǵan.
«Paskal Dıýpramen jáne klýb prezıdentimen sózge kelise almadym. Negizgi quramdaǵy alǵashqy matchta oınaǵannan soń aqylǵa syımaıtyn jáne fýtbolǵa esh qatysy joq jaıt úshin keńsege shaqyrtty. Másele ósirgen saqalymda bolǵan. Maǵan saqal tym uzyn bolǵandyqtan, qyryp tastaý talaby qoıyldy. Men 33 jastamyn, olaı isteýge bolmaıdy ǵoı. Meni jıhadshy dep tanyǵan, shyn máninde men musylman da emespin. Qandaı essizdik!», - dep baıandady Gael.
