Frantsııa «Eýro-2016» týrnıriniń qaýipsiz ótýi úshin ekstremıstik shabýylǵa qarsy oqý-jattyǵý ótkizdi
ASTANA. QazAqparat - Frantsııa batysyndaǵy Bordo qalasyndaǵy fýtbol stadıonynda ekstremıster shabýyldaǵan jaǵdaıda jasalatyn is-qımylǵa arnalǵan oqý-jattyǵý ótti. Oǵan frantsııalyq órt sóndirýshiler, polıtseıler, «jedel járdem» qyzmetkerleri qatysty, dep habarlady VVS agenttigi.
Іshki ister jáne densaýlyq saqtaý mınıstrleri Marısol Týren men Bernar Kaznev jýrnalıstermen áńgimelesý kezinde olardyń maqsaty - «Eýro-2016» týrnıriniń barynsha qaýipsiz ótýi ekenin aıtty.
«Eýro-2016 qaýipsiz, jaıly jaǵdaıda ótkenin qalaımyz, sondyqtan da qaýipsizdikke den qoıatyn tetikterimizdi tekserý úshin kóptegen jattyǵýlar ótkizýdemiz», - dedi «Frans press» agenttigine bergen suhbatynda Bernar Kaznev.
Týrenniń málimdeýinshe, Eýro-2016 jarysyna daıyndyq kezinde 2015 jylǵy Parıjde bolǵan shabýyldaǵy tájirıbe eskerildi.
«Eń kúrdelisi - bir ýaqytta óńirdegi kóp halyqqa qalaı járdem kórsetý kerek ekenin túsiný. Ol jerde medıtsınalyq jaǵdaı Parıjdegideı emes», - dedi Týren.
Kezekti eýropalyq birinshilik Frantsııada 2016 jylǵy 10 maýsymnan 10 shilde aralyǵynda ótedi. Bordoda tórt toptyq match jáne týrnırdiń shırek fınaly ótedi.
