Frantsııa elshisi óskemendik stýdentterdi oqýǵa shaqyrdy
ÓSKEMEN. QazAqparat - Óskemende Frantsııanyń Qazaqstandaǵy Tótenshe jáne Ókiletti elshisi Fılıpp Martıne júr, dep habarlaıdy QazAqparat tilshisi.
Qala basshylyǵy elshige týrızm jáne bilim berý salalarynda baılanys ornatýdy usynyp otyr. Dıplomat bul usynysty qup alatynyn jetkizdi. Onyń ústine Frantsııa elshisin qala mektepterinde frantsýz tilin qosymsha oqytýdyń múmkindikteri qyzyqtyrýda.
«Óskemenge osymen ekinshi ret kelýim. Bul jolǵy saparymda ekijaqty qarym-qatynasty odan ári nyǵaıtyp, osyndaǵy stýdentterge Frantsııanyń shetelden kelip bilim alýshylarǵa qandaı granttar usynatynyn aıtpaqpyn. Ázirge bizdiń eldiń granttaryn kóbinese Astana men Almatynyń jastary kóptep utyp alýda» - dedi Fılıpp Martıne.
Elshi kezdesýge qatysqan ákimdik ókilderin frantsýz ánshisi Djoıs Djonatannyń Óskemende ótetin kontsertine shaqyrdy. Onyń aıtýynsha, Djoıs Djonatan óz elinde ınternet arqyly tanymal bolǵan alǵashqy ánshilerdiń biri sanalady.
