Frantsııa elshisi Abaı elinde boldy

ÓSKEMEN. QazAqparat - Qazaqstandaǵy Frantsııanyń Tótenshe jáne Ókiletti Elshisi Fılıpp Martıne Semeıge kelip, Abaıdyń «Jıdebaı-Bórili» memlekettik qoryq-mýzeıin aralady. Bul týraly «QazAqparat» HAA tilshisi habarlady.

Elshi mýzeıdiń ekspozıtsııalyq zalyn tamashalady. Fılıp Martın Abaı shyǵarmalaryna, qazaq halqynyń aýyz ádebıetine, shyǵys, orys jáne eýropa ádebıetine qyzyǵýshylyq tanytty.

Frantsýz dıplomaty Abaıdyń poezııasy, mýzykasy jáne jalpy shyǵarmashylyǵy álemdik mádenıette oıyp oryn alǵandyǵyn jetkizdi.

Fılıpp Martıne «Zerde» qurmet kitabyna estelik jazba qaldyrdy. Mýzeı dırektory Bolat Júnisbekov qonaqqa estelik syılyq - tórt tildegi Abaı shyǵarmalarynyń jınaǵyn tartý etti, dep habarlady qalalyq mádenıet bólimi.