Frantsııa elshiligi Astanada «14-18» atty tsıfrly kórmesin usyndy (FOTOREPORTAJ)
ASTANA. QazAqparat - Qazaqstandaǵy Frantsııa Elshiligi jáne Astana qalasynyń Frantsýz Alıansy elordadaǵy Ulttyq akademııalyq kitaphanada «14-18» atty tsıfrly kórmesin usyndy.
Bul atalǵan kórmeni Frantsýz Instıtýty jáne Birinshi Dúnıejúzilik soǵysynyń júzjyldyǵy mıssııasy men Frantsýz tilin shetelde oqytý agenttigi (AEFE) seriktestigi uıymdastyryp otyr. Bul álem elderinde ótip jatqan Birinshi Dúnıejúzilik soǵysty eske alý sharalarynyń biri.
Pedagogıkalyq maqsatta uıymdastyrylǵan «14-18» kórmesi Frantsııanyń soltústiginen shyǵys maıdanyna deıin shaıqastar, sonymen qatar soǵysqan halyqtardyń jaǵdaıy, zardap shekkenderdiń basynan ótken qıly kezeńderdi eske túsiredi.
Bul shara Frantsýz Instıtýty 2013 jyly usynǵan «Alber Kamıý 1913-2013» kórmesi aıasynda fızıkalyq nusqasy men tsıfrlyq kontentin birlestirip qoldanylǵan tehnologııa negizinde uıymdastyrylǵan. Kórme kóptegen elderde kórsetilip, myńdaǵan kelýshilerdiń nazaryn aýdardy.
Alǵashqy ret Qazaqstan halqyna «14-18» kórmesi búgin, 15 qazan kúni saǵat 16:00-de Qazaqstan Respýblıkasynyń Ulttyq akademııalyq kitaphanasynda Qazaqstandaǵy Frantsııa Respýblıkasynyń Elshisi Fransıs Eten jáne Souvenir français qaýymdastyǵynyń prezıdenti Serj Barsellınıdiń qatysýymen ashyldy.
2016 jyldyń sońyna deıin «14-18» Qazaqstannyń qalalarynda kórsetiledi. Kórme Qaraǵandy qalasynda 16 qazan kúni saǵat 12:00-de Frantsýz Alıansynda kórsetilip, keıin Almaty qalasy turǵyndarynyń nazaryna usynylady.
