Frantsııa bilim mınıstriniń zaıyby asylyp qalǵan
ASTANA. 23 qańtar. QazAqparat - Frantsııa bilim mınıstri Lıýk Shateldiń otbasynda qaıǵyly oqıǵa boldy: 2012 jyly 22 qańtar kúni tańerteń onyń zaıyby Astrıd Herrenshmıdt Býlon-Bııankýrda ornalasqan jeke úıinde óli kúıinde tabyldy.
Aldyn ala málimetter boıynsha, áıel asylyp qalǵan, dep habarlaıdy RosBıznesKonsaltıng frantsýz BAQ-na silteme jasap.
Mınıstr zaıybynyń ólimin rastady. Erli-zaıyptylar 1991 jyldan beri nekede turǵan, olardyń tórt balasy bar. Ózine ózi qol jumsaýǵa ne túrtki bolǵany ázirshe belgisiz.
Al Máskeýde jaqynda basqa ózine ózi qol jumsaý boldy. Kosygın kóshesinde ornalasqan óz páterinde Out There Media Russia iri jarnama agenttiginiń menedjeri Oleg Hrıpýnov ózin ózi atyp tastady.
Er adamnyń oq tıgen máıitin onyń kórshileri taýyp, kidirmeı polıtsııa qyzmetkerlerin shaqyrǵan. Qazirgi kezde ózine ózi qol jumsaý faktisi boıynsha tergeý aldyndaǵy tekseris júrgizilýde.
