Frantsııa bıligi Sırııaǵa ushpaq bolǵan alty adamnyń tólqujatyn tartyp aldy
ASTANA. QazAqparat - Frantsýz bıligi Sırııaǵa ushpaq bolǵan eldiń alty azamatynyń tólqujattaryn tárkiledi, dep habarlady Rosbalt.
Bul qadam ótken jyly qarashada frantsýz parlamenti maquldaǵan lańkestikke qarsy zańdy qoldanýdyń alǵashqy jaǵdaıy boldy, dep atap kórsetti eldiń ІІM basshysy Bernar Kaznev reporterlermen áńgime barysynda
«Elden shyǵýǵa alty ákimshilik tyıym salýǵa búgin qol qoıyldy, taǵy 40 adam ózderiniń kezegin kútýde», - dedi mınıstr. Osy alty azamattyń sheteldik tólqujattary men jeke kýálikteri jarty jylǵa tárkilendi, odan keıin tyıym salý alynyp tastalady.
Qazirgi kezde Frantsııanyń 1,4 myńǵa jýyq azamaty Sırııaǵa nemese Irakqa barýǵa nıettenip otyr. El basshylyǵy Taıaý Shyǵystan oralǵan sodyrlar eleýli lańkestik qaýip týǵyzady dep alańdaýda, muny Parıjde bolǵan qańtardaǵy lańkestik aktileri qýattaıdy.
