Frantsııa bıligi aljırlik ushaq qulatyldy degen boljamdy teriske shyǵardy
ASTANA. QazAqparat - Bortynda 116 jolaýshy bolǵan aljırlik Air Algerie ushaǵynyń apatqa ushyraýynyń sebebi aýa raıynynyń qolaısyzdyǵy dep sanaıdy frantsýz bıligi.
Ushaq atyp túsirildi degen nusqa teriske shyǵaryldy, dep naqtylady Frantsııanyń kólik boıynsha memlekettik hatshysy Frederık Kıývele. Bul týraly Bı-bı-sı habarlady.
110 jolaýshysy jáne alty ekıpaj múshesi ushqan McDonnell Douglas MD-83 ushaǵy Ýagadýgýdan (Býrkına-Faso astanasy) Aljırge AH5017 reısimen shyqqan. Qazirgi sátte jolaýshylar arasynda 51 frantsýz, 24 Býrkına-Faso azamaty, segiz lıvandyq, tórt aljırlik, eki Lıýksembýrg azamaty, bir belgııalyq, bir shveıtsarııalyq, bir nıgerııalyq, bir kamerýndyq, bir Ýkraına azamaty men bir rýmyndyq azamat bolǵany anyqtaldy. Ushaq apat bolǵan oryndy kúzetý úshin Frantsııa Malıge áskerı qyzmetkerlerin attandyrdy.
