Frantsııa bas shtabynyń basshysy otstavkaǵa ketý týraly ótinish berdi
BRıÝSSELЬ. QazAqparat - Frantsııa qarýly kúshteri bas shtabynyń bastyǵy general Per de Vıle úkimet usynǵan qorǵanys shyǵyndaryn qysqartý týraly usynyspen kelispegendikten otstavkaǵa ketýge ótinish berdi, dep habarlady «QazAqparat» HAA menshikti tilshisi.
«Endi Frantsııa men frantsýzdardy qorǵaýdy qamtamasyz etý, eldiń ambıtsııasyn qoldaý úshin qajetti ásker úlgisiniń ornyqtylyǵyn qamtamasyz etýge quqyǵym joq dep sanaımyn», - delingen generaldyń málimdemesinde.
Atap ótsek, ótken aptada parlamenttik tyńdaý kezinde bas shtabtyń basshysy aǵymdaǵy jyly qorǵanysqa shyǵyndy 850 mln eýroǵa qysqartý boıynsha úkimettiń jospary jaıly oıyn bildirgen. Bir aptadan soń 61-ge tolatyn Per de Vıle 2014 jylǵy aqpanda frantsýzdyq bas shtabtyń basshysy bolyp taǵaıyndalǵan. 30 maýsymda onyń ókilettigi taǵy bir jylǵa uzartylǵan.
