Frantsııa Áblıazovke bassaýǵa bolýdan bas tartty

ASTANA. QazAqparat – Frantsııa qashqyn bankır Muhtar Áblıazovke saıası bassaýǵa bolýdan bas tartty, dep habarlaıdy QazAqparat tilshisi.

Frantsııanyń Ulttyq bassaýǵa máseleleri jónindegi sotynyń resmı saıtynda jarııalanǵan málimetke sáıkes, qashqyn bankırdiń advokattary Pıkýa men Karım Beılýnı sotqa eldiń Bosqyndar men azamattyǵy joq tulǵalardy qorǵaý jónindegi basqarmasynyń óz qamqorlyǵyndaǵy azamatqa saıası bosqyn mártebesin berýden bas tartýyna oraı shaǵym túsirgen. Sot advokat shaǵymyn qaraǵanmen Áblıazovke saıası bosqyn mártebesin berýden bas tartqan.

Esterińizge sala ketsek, ótken aıda Memleket basshysynyń Frantsııaǵa saparynan keıin QR Syrtqy ister mınstriniń orynbasary Roman Vasılenko Muhtar Áblıazovti Qazaqstanǵa ekstradıtsııalaý saıası deńgeıde talqylanbaıtyndyǵyn aıtqan edi.

«Qazaqstan men Frantsııa arasynda qazirgi ýaqytta ekstradıtsııalaý týraly kelisim jasalmaǵan. Bul másele frantsýz tarapymen odan ári talqylanady. Meniń bilýimshe, qazir Frantsııada Áblıazov myrzaǵa qatysty sot protsesi júrip jatyr», - degen edi Syrtqy ister mınıstriniń orynbasary.