Franchaızıng - kásipkerlikti bastaýda táýekeldi tómendetýge baǵyttalǵan bıznes júrgizýdiń óte nátıjeli túri - Damý qorynyń Basqarýshy dırektory
ALMATY. 22 jeltoqsan. QazAqparat /Erlik Erjanuly/ - Franchaızıngtiń damytýdy "Damý" kásipkerlikti damytý qory jumysty josparly túrde júrgizip keledi.
Bul búgin Almatyda ótip jatqan "Qazaqstandaǵy franchpaızıngtiń 2012 jylǵy damýyn modeldeý dep atalatyn dóńgelek ústel jıynynda aıtyldy.
"Qazirshe Qazaqstandaǵy franchaızıngti asa qarqyndy damýda dep aıtýǵa bolmaıdy. Elde myńnan astam franchaızıng túrleri jumys isteýde. Olardyń basym bóligi, ıaǵnı 47 paıyzdan astamy saýda salasynda. Onyń jaqsy jaǵy da, jaman jaǵy bar. Qazir bıznesti damytýǵa baǵyttalǵan memlekettik baǵdarlamalardyń kóbi shıkizatty óńdeý jáne óndiris salasyna baǵyttalyp otyr. Kásipkerler memlekettik kómekti sýbsıdııa, kepildik túrinde alýǵa qoldary jetpeıdi", - deıdi "Damý" kásipkerlikti damytý qory" AQ-nyń Basqarýshy dırektory Ǵabıt Lesbekov. Ǵ. Ábdimútálipulynyń aıtýynsha, franchaızıngti nasıhattaý men damytý qordyń 2020 jylǵa deıingi damý strategııasynda kontseptýaldy turǵyda qarastyrylǵan. Bul baǵytta Franchaızıng odaǵymen 2 jyldan beri jumys istep kele jatyr. Ol "Bıznes keńesshi" baǵdarlamasy sheńberinde kýrsqa kirgizildi. Kýrstan ótken kásipker franchaızıngtiń ne ekenin, qalaı qoldanýǵa bolatynyn, qandaı artyqshylyqtary men kemshilikteri bar ekenin biletin bolady. Sol arqyly qazir kásipkerlerdiń belgili bir klasy qurylýda.
