France Football basylymy álemniń eń qymbat fýtbol oıynshysyn atady
ASTANA. 22 naýryz. QazAqparat - «Barselonanyń» argentınalyq shabýylshysy Lıonel Messı álemdegi eń tabysty fýtbolshy bop tabylady, dep habarlady «Alaman» portaly France Football basylymyna silteme jasap.
Messıdiń jalaqysy men jarnama arqyly tapqan puly 33 mıllıon eýrony (shamamen 40 mıllıon dollar) qurady. Úlken fýtboldyń sıqyrshysy bul kestede «Los-Andjeles-Geleksı» klýbynda óner kórsetetin Devıd Bekhem men «Realdyń» shabýylshysy Krıshtıaný Ronaldýdy artta qaldyrdy. Reseılik «Anjı» klýbynyń shabýylshysy Samıýel Eto'O-nyń da biraz jıǵan-tergeni bar kórinedi. Onyń jyldyq jalaqysy 23,3 mıllıon eýrony quraıdy. Bapkerlerdiń tizimin Joze Maýrıno bastap keledi. «Koroldik klýb» oǵan jylyna 14,8 mıllıon tóleıdi. PSJ-nyń jattyqtyrýshysy Karlo Anchelottı 13,5 mıllıon eýro tabys taýyp otyr.
