Frants-Iosıf Jeri arhıpelagynda aq aıý adamdy talady
ASTANA. QazAqparat - Frants -Iosıf Jeri arktıkalyq arhıpelagyndaǵy Aleksandr Jeri aralynda aq aıý adamdy talap óltirdi, dep habarlady TASS "Rýsskaıa Arktıka" ulttyq saıabaǵynyń baspasóz qyzmetine silteme jasap.
Oqıǵa 5 qańtarda oryn aldy, alaıda ol týraly qazir ǵana belgili boldy. Soltústik flot úshin "Arktıcheskıı trılıstnık" turǵyn úı keshenin salyp jatqan "Zapsıbgazprom-Gazıfıkatsııa" kompanııasynyń montajdaýshysy oqıǵa ornynda kóz jumdy.
"Túski astan keıin er adam jumys ornyna bara jatqanda oǵan aq aıý shabýyl jasaǵan. Ol jalǵyz bara jatqan, osylaısha ol ulttyq saıabaq pen kompanııanyń qaýipsizdik tehnıkasyn buzǵan. Aıýdy osy kompanııanyń ózge qyzmetkeri baıqap qaldy. Ol da túski astan jumysyna bara jatqan.
Ol pırotehnıkalyq quraldarmen jyrtqyshty úrkitip, keıinirek sol jerde jatqan máıitti baıqaǵan», - dep habarlady baspasóz qyzmetinen.
