Fotoshoppen óńdelgen sýretterdi anyqtaıtyn júıe jasaldy
NUR-SULTAN. QazAqparat - Adobe kompanııasy Berklıdegi Kalıfornııa ýnıversıtetiniń ǵalymdarymen birlese otyryp fotoshoppen óńdelgen sýretterdi anyqtaıtyn algorıtm jasap shyǵardy, dep jazady kompanııa saıty. Aqparatta aıtylǵandaı, bul júıeniń dáldigi - 99 paıyz.
«Ǵalymdar sýretterdi ózgertý tehnologııalarynyń jyldam damyp jatqanyna alańdaýshylyq bildirip júrgenine birneshe jyl boldy. Mysaly, byltyr MIT ınjenerleri sýrettegi obektilerdi tanıtyn neırojúıe jasap shyǵarǵan edi. Sonymen qatar portretterdi qysqa vıdeoǵa aınaldyratyn algorıtm de jasalǵan bolatyn. Endi Adobe mamandary ózgertilgen sýretterdi anyqtaýǵa múmkindik berdi. Ázirge olar Photoshop baǵdarlamasynda Face Aware Liquify quralyna qatysty zeristerdi anyqtaıtyn júıe jasap shyǵardy. Bul qural kóbine bettiń formasyn nemese mımıkany ózgertý barysynda jıi qoldanylady», dep jazady avtor.
Onyń aıtýynsha, ǵalymdar aldymen ınternetten myńdaǵan adamnyń portretin kóshirip alǵan. Odan keıin atalǵan qural arqyly sýretterge ózgeris engizilgen. Nátıjesinde algorıtm tek ózgertilgen sýretterdi tanyp qana qoımaı, ózgertilgen jerlerdi de 99 paıyz naqtylyqpen kórsetip bergen.
«Ázirge neırojúıe tek bir quralmen jasaldy. Degenmen, bul zertteý - osy saladaǵy alǵashqy qadamdardyń biri», dep jazady avtor.
