Fotoreportaj: QR-nyń BUU janyndaǵy turaqty ókildigi

NЬıÝ-IORK. QazAqparat - 18 qańtar kúni QR Prezıdenti Nursultan Nazarbaev osy aıda Qazaqstan tóraǵalyq etip otyrǵan BUU Qaýipsizdik Keńesiniń joǵary deńgeıli brıfınginde sóz sóıleıdi.

Elimizdiń Birikken Ulttar Uıymyndaǵy syrtqy saıası baǵytyn júzege asyrý mindeti QR-nyń BUU janyndaǵy, qazirgi kezde Qaırat Omarov basshylyq etip jatqan Turaqty ókildiginiń ujymyna júktelgen.

«QazAqparat» HAA oqyrmandar nazaryna QR-nyń BUU janyndaǵy Turaqty ókildiginiń keńsesine barǵan menshikti tilshisiniń fotoreportajyn usynady.

Qazirgi keńseni 2007 jyldyń 25 qyrkúıeginde N. Nazarbaev resmı túrde ashqan bolatyn. Ol qazaqstandyq dıplomattardyń jumys isteýine óte qolaıly jerde - Manhettenniń shyǵysyndaǵy 47-shi shyǵys kóshe, 305-úıde, BUU tarıhyndaǵy ekinshi Bas hatshy Dag Hammersheld atyndaǵy alańnyń tusynda ornalasqan. Júz metr jerde Búkilálemdik Tramp munarasy World Trump Tower, al 300 metr qashyqtyqta BUU ǵımaraty tur.

Turaqty ókildik úshinshi qabatta, memlekettik sımvoldarmen qatar ornalasqan, keń holldy Qazaqstan jaıly kitaptar, elimizdiń sulý tabıǵaty men ulttyq kolorıti órnektelgen sýretter, sondaı-aq Memleket basshysynyń portreti bezendirip tur.

QR-dyń BUU janyndaǵy Turaqty ókildiginde 22 qazaqstandyq dıplomat jumys isteıdi.

Eske sala ketelik, Qazaqstan Respýblıkasynyń Nıý-Iorkte BUU janyndaǵy, Jenevada halyqaralyq uıymdar janyndaǵy, Parıjde ıÝNESKO janyndaǵy, Venada halyqaralyq uıymdar janyndaǵy turaqty ókildikteri bar.