FOTOREPORTAJ: QazAqparattyń 95 jyldyǵy - 1-bólim (tabıǵat)
ASTANA. QazAqparat - «QazAqparat» HAA eldegi, elden tys jerlerdegi bolyp jatqan oqıǵalar jaıly habarlardy oqyrman nazaryna usynyp, aqparat jarshysy bolyp kele jatqanyna 95 jyl tolypty.
Jedel aqparattar kóp jaǵdaıda oqıǵa ornynan fotoreportajdarmen súıemeldenedi. Alaıda bizdiń foto tilshilerimiz oqıǵany barynsha áserli etip kórsetý úshin derekti túsirilim jasap qoımaı, materıaldardy ashyq kórkem túsirilimdermen bezendirýge tyrysady.
QazAqparat jýrnalısteri qaı óńirden jazsa da, qaıda issaparǵa shyqsa da, olar jurt súısine oqıtyn tyń taqyryptardy qamtýdy basty maqsaty etedi. Oıy sergek, kóńili zerek - izdenimpazdyǵy qarýy bolǵan jýrnalıster jumystan tys ýaqytta da shyǵarmashylyqqa umtylyp, kórgeninen oı túıip júrer qasıetimen erekshe.
Qazaqstannyń kóz tartatyn ásem kelbetin, syr-sıpatyn, sáýletti ǵımarattaryn pash etetin erekshe kórinisterdi berýde bizdiń fotoreportajdarymyz elimizdiń tańǵajaıyp, sáni jarasqan tabıǵatynyń eń tamasha tustaryn kelisti usyna bildi. Munda kishi Shveıtsarııa atalyp ketken Býrabaı, Jońǵar Alataýy taýlaryndaǵy qar qabylany, Qorǵaljyndaǵy qyzyl qoqıqaz, Mańǵystaýdaǵy Sherqala syndy uly dalanyń teńdessiz ǵajaıyptary qamtylǵan.
