FOTOREPORTAJ: Dubai airshow-2015 avıatsııalyq kórmesi
ÁBÝ-DABI. QazAqparat - Osy kúnderi Dýbaıda Dubai airshow-2015 avıatsııalyq kórmesi ótip jatyr. Halyqaralyq áýe salony álemdik azamattyq jáne áskerı áýe ónerkásibindegi negizgi oqıǵalardyń biri bolyp tabylady, kórme eki jylda bir ret ótkiziledi. Keshenniń kórme aýdany 645 myń sharshy metrdi qurap otyr.
Bizdiń BAÁ-degi arnaıy tilshimiz kórmege baryp, oqyrmandarymyzdyń nazaryna arnaıy fotoreportajdy usynyp otyr.
Dubai airshow-2015 Dýbaıdyń jańa áýejaıy - «Dubai world central» (DWC) aýmaǵynda ornalasqan. Atalǵan termınal ámirlik qalasynyń ońtústik bóliginde ornalasyp, «Dýbaı Marına», «Palm djýmeıra», «Djýmeıra leık taýers» týrıstik aýdandarynyń turǵyndary úshin qolaılylyq týǵyzyp otyr. Budan basqa, DWC-dan el astanasy Ábý-Dabıge shyǵý ońaı. Kólikpen bir saǵattan asa ýaqyt júresiz.
Sharaǵa Birikken Arab Ámirlikteri basshylyǵynyń qatysýy oǵan joǵary dáreje berip otyr. Dubai Airshow kórmesin dástúr boıynsha BAÁ Qarýly kúshteriniń Joǵary bas qolbasshysynyń orynbasary, Ábý-Dabı ámirliginiń murager hanzadasy sheıh Mohammed bın Zaıed Ál Nahaııan men eldiń Premer-mınıstri, Dýbaı ámirliginiń basshysy sheıh Mohammed bın Ráshıd Ál Maqtum ashty.
Bıylǵy jyly kórmeniń uıymdastyrýshylary áskerı avıatsııaǵa úlken kóńil bóldi, bul Taıaý Shyǵystaǵy aımaqtyq shıelenis kezeńinde túsinikti jaǵdaı bolyp otyr. BAÁ-niń áskerı-áýe kúshteri Sırııa, Irak jáne Iemendegi halyqaralyq is-qımyldarǵa qatysyp otyr. Keıbir málimetter boıynsha, ámirliktiń joıǵysh ushaqtary «Islam memleketiniń» Sınaı túbegindegi jáne Lıvııadaǵy pozıtsııalaryna jasalyp júrgen shabýyldarǵa da qatysýda.
Ámirlik bıligi zamanaýı qarýlardy jetekshi álemdik óndirýshilerden satyp alýda.
Kórmege QR Qorǵanys mınıstri Imanǵalı Tasmaǵambetov basqarǵan delegatsııa kelip jetti. Qazaqstan ókili Ábý-Dabı ámirliginiń murager hanzadasy, BAÁ ÁK bas qolbasshysynyń orynbasary sheıh Mohammed ben Zaıd Ál Nahaııanmen kezdesti.
QR Qorǵanys vedomstvosynyń basshysy aldaǵy ýaqytta Astanada ótetin «KADEX - 2016» Halyqaralyq qarýlaný, áskerı tehnıka jáne áskerı-tehnıkalyq múlik kórmesi taqyrybyna da toqtalyp ótip, Ámirlik basshylyǵyn Qazaqstanǵa shaqyrdy.
