FOTOREPORTAJ: Áskerıler sarbazdarǵa arnalǵan botqany daıyndaýdan sheberlik saǵatyn ótkizdi (FOTO)

ASTANA. QazAqparat - Tájirıbesi mol áskerı aspazdar alǵash ret soldat botqasyn daıyndaý boıynsha sheberlik saǵatyn ótkizdi. Olar daladaǵy «as úıde» botqanyń úsh túrin ázirlep, jıylǵandarǵa usyndy, dep habarlady QR Qorǵanys mınıstrliginiń baspasóz qyzmetinen.

Lagerde barlyq ystyq tamaq jyljymaly daladaǵy «as úıde» daıyndalady. Ár as úı avtonomdy jáne 125 adamdy tamaqtandyrady. Túrli bólimderde bir ýaqytta taǵam ázirlenedi, shaıǵa arnalǵan sý qaınatylyp jatady jáne t.b. Jeke quramnyń ózge jerge kóshýi kezinde bul «as úıi» tehnıkaǵa tirkeledi. Júrip bara jatqanda da onda as daıyndaýǵa bolady.

Sheberlik saǵatynan keıin shara qonaqtary, sonyń ishinde UOS ardagerleri men tyl eńbekkerleri, palatalyq lagerdi aralady.

Munda shamamen tórt myń adam turady. Bul UOS Jeńistiń 70 jyldyǵyna arnalǵan sherýge qatysý úshin aımaqtardan Astanaǵa kelgen QR QK barlyq áskerleriniń áskerı qyzmetkerleri, Qazaqstannyń joǵary jáne orta kásibı áskerı oqý oryndarynda oqıtyndar.