Fotoreportaj: Alpi taýyndaǵy qar patshalyǵy – Lıvıno
LIVINЬO. KAZINFORM – Italııanyń soltústigindegi Alpi taýlary arasynda ornalasqan Lıvıno shańǵy kýrorty XXV qysqy Olımpıada oıyndarynyń mańyzdy jarys aımaǵy sanalady. Kazinform tilshisi osy jarys aımaǵynan arnaıy habar taratyp, shaǵyn qalashyqtyń tynys-tirshiliginen fotoreportaj usyndy.
Lıvıno – Alpi taýlaryndaǵy eń shýaqty taý shańǵy kýrorty. Italııanyń soltústiginde, teńiz deńgeıinen 1 816 metr bıiktikte ornalasqan ol Shveıtsarııamen shektesedi jáne eki ulttyq saıabaqtyń – Italııanyń Stelvıo jáne Shveıtsarııanyń Engadın saıabaqtarynyń jasyl jelekteriniń ortasynda ornalasqan. Qys boıy jaýǵan qardan keıin Lıvınoda shańǵy tebýge óte keremet jaǵdaı jasap qoıǵan. Mundaǵy maýsym basqa alpilik kýrorttarǵa qaraǵanda erterek bastalady jáne uzaǵyraq sozylady.
Lıvıno týraly eń alǵashqy tarıhı jazbalar 1187 jyly kezdesken. Onyń ataýy «qar qabaty» degen maǵynany bildiretin nemis termıninen shyqqany boljanady.
Ǵasyrlar boıy bul jer qoljetimsiz, qatty qarmen jabylǵandyqtan qysta basqa jerlerden oqshaýlanǵan. Sondyqtan jergilikti turǵyndar nemese saıahatshylar bul aımaqty «Kishi Tıbet» dep te ataǵan.
Bul jer 1816 jyly Italııa terıtorııasyna kirdi. 1950–60-shy jyldary aýmaqqa joldar salynyp, alǵashqy shańǵy lıfti ornatyldy. Bul týrıstik jáne sporttyq ınfraqurylymdy damytýǵa jol ashty.
Qazirgi kezde Lıvıno 60-tan astam mıl (100 km-den kóp) shańǵy trassalary men álemdik deńgeıdegi kross-kantrı marshrýttarymen áıgili, jáne halyqaralyq jarystardy jıi qabyldaıdy.
Lıvıno qalasy 2026 jylǵy Olımpıada oıyndarynda frıstaıl jáne snoýbord jarystarynyń ótetin negizgi orny retinde tańdaldy. Onda shamamen 26 jarys ótkiziledi.
Negizgi alańdar:
• Livigno Snow Park — sloýpstaıl, bıg-eır, halfpaıp jáne snoýbord sııaqty sport jarystary ótedi.
• Livigno Aerials & Moguls Park — shańǵy akrobatıka jáne mogýl sekildi frıstaıl dıstsıplınalarǵa arnalǵan zamanaýı alań.
Bul olımpıada Lıvıno sporttyq ınfraqurylymmen halyqaralyq deńgeıde tanystyratyn tarıhı sátine aınalady. Osydan buryn qala álemdik frıstaıl pen snoýbord jarystaryn qabyldaǵanymen, dál osyndaı aýqymdy olımpıadalyq jarystardy alǵash ret ótkizgeli otyr.
Qalashyq Mılan qalasynan 5 saǵattyq jerde ornalasqan. Taý joldary kúrdeli jáne bıik. Alaıda, kýrorttyq aımaq barlyq ınfraqurlymmen qamtylyp, Olımpıada oıyndaryn ótkizýge barynsha qolaıly jaǵdaı jasalǵan. Qonaqúıler, dámhanalar jáne ár túrli dúkender jyl boıy týrısterge sapaly qyzmet kórsetedi.
Lıvınodaǵy frıstaıl sportynan 9 qazaqstandyq sportshy Olımpıada oıyndarynda óner kórsetedi.
Frıstaıl-akrobatıka:
- Sherzod Hashırbaev
- Asylhan Asan
- Roman Ivanov
- Dinmuhamed Raıymqulov
- Aıana Joldas
Frıstaıl-mogýl:
- Pavel Kolmakov
- Anastasııa Gorodko
- ıÝlııa Galysheva
- Aıaýlym Ámrenova
Eske salaıyq, 2026 jylǵy Olımpıada oıyndary 6-22 aqpan aralyǵynda Italııanyń Mılan jáne Kortına-d’Ampetstso qalalarynda ótedi. Baıraqty básekede 16 sport túri boıynsha 116 medal jıyntyǵy sarapqa salynady.
Osyǵan deıin habarlaǵanymyzdaı, qazaqstandyq mogýlshylar alǵashqy jattyǵýyn jasady.