FOTOREPORTAJ: 800-den astam jasóspirim qyzdar men uldar «Aıbyn» І respýblıkalyq jastar jıynyna qatysty

ASTANA. QazAqparat - Keshe «Aıbyn» І respýblıkalyq áskerı-patrıottyq jıynynyń úshinshi kúni boldy, dep habarlaıdy QR Qorǵanys mınıstrliginiń baspasóz qyzmeti.

Jıyn aıaqtalýǵa taıap qaldy, alaıda osy sharaǵa qatysqan 800-den astam jasóspirim qyzdar men uldardyń esinde bul kópke deıin qalatyny anyq. «Spassk» polıgonyna kelgen jastar aldaǵy jıyndy asa qyzyǵýshylyqpen kútti. Degenmen olar QR QK eń aýqymdy jáne qyzyqty oqıǵalarynyń bel ortasynda júretindigin bilgen joq. Olar ózderine qazaqstandyq jaýyngerdiń rólin somdaı otyryp, áskerı tapsyrmalardy oryndady, dene kúshi men tózimdiligin, patrıottyq rýhy men dostyqqa adaldyǵyn synaı otyryp, kedergiler men qıyndyqtardy eńserdi. Osynaý birneshe kún ishinde olar kóptegen jańa málimetter alyp, teńdesiz tájirıbe men bilimdi ıgerdi, sondaı-aq jańa dos-jarandar tapty.